Albamedia mori pjesë në aktivitetin Zebra Supply Factory Visit Event, të organizuar në Pragë dhe Přestanov, Çeki, së bashku me partnerë dhe klientë të përzgjedhur nga rajoni i Europës Juglindore. Aktiviteti krijoi mundësi për shkëmbimin e njohurive, njohjen nga afër me zhvillimet më të fundit teknologjike dhe forcimin e bashkëpunimit me partnerë ndërkombëtarë.

Gjatë eventit, ekipi i Albamedia-s u njoh më nga afër me zgjidhjet e avancuara të Zebra Technologies dhe bashkëpunimin me JARLTECH, duke marrë pjesë në prezantime të dedikuara për produktet, risitë dhe aplikimet e tyre në mjedise të ndryshme biznesi.

Një nga pikat kryesore të vizitës ishte fabrika e prodhimit të Zebra Technologies në Přestanov, ku pjesëmarrësit patën mundësinë të njiheshin me proceset e prodhimit dhe fazat e ndryshme të punës. Kjo përvojë ofroi një këndvështrim më të drejtpërdrejtë mbi proceset operacionale, standardet e cilësisë dhe teknologjitë që qëndrojnë pas produkteve të kompanisë.

Programi përfshiu gjithashtu prezantime dhe sesione informuese nga ekspertë të Zebra Technologies, të cilat mundësuan thellimin e njohurive teknike dhe shkëmbimin e përvojave mbi zgjidhjet dhe zhvillimet më të fundit në këtë fushë.

Për Albamedia-n, pjesëmarrja në aktivitete të tilla është një mundësi e rëndësishme për të zhvilluar më tej ekspertizën, për të ndjekur nga afër inovacionin dhe për të forcuar marrëdhëniet me partnerët strategjikë. Njohuritë dhe përvojat e përfituara kontribuojnë në angazhimin tonë për të ofruar zgjidhje teknologjike cilësore dhe të përshtatura me nevojat e tregut shqiptar.

Albamedia falënderon Zebra Technologies dhe JARLTECH për organizimin dhe mikpritjen, si dhe për mundësinë për të qenë pjesë e këtij aktiviteti profesional.